Euskal nortasun hotsak

Artista gonbidatua: Garikoitz Mendizabal (txistua), Udazken Txistulari Taldea, Zubiaur Musika Eskolako txistu ikasleak.

Aurtengo hirugarren geldialdiak euskal ondarea eta txistua izango du protagonista. Euskal nortasuna aitzaki hartuta historiak ekarri dizkigun doinu eta obrak plazaratuko ditugu, identitate hau izan baita ondare musikal handi baten inspirazioa. Txistu-hotsetan Garikoitz Mendizabal bakarlaria izango dugu gonbidatu eta herriko txistulari zein txistu-ikasleekin ekitaldia borobilduko dugu.